Një incident ajror ka ndodhur sot në Aeroportin “Sabiha Gökçen”, ku aeroplani i kompanisë AJet, i tipit Boeing 737-800, i cili realizoi fluturimin Prishtinë–Stamboll me numër TKJ76Q / VF102, pas aterrimit ka dalë nga rruga e taksimit dhe është ndalur në skajin e pistës.

Ambasada e Republikës së Kosovës në Ankara njofton se nuk raportohet për persona të lënduar, ndërsa të gjithë pasagjerët janë evakuuar në mënyrë të sigurt përmes shkallëve të jashtme, pa qenë e nevojshme përdorimi i rrëshqitësve emergjentë, shkruan Arbresh.info

“Nuk ka raportime për persona të lënduar dhe udhëtarët janë larguar në mënyrë të rregullt nga aeroporti drejt destinacioneve të tyre. Në deklaratën e saj, kompania AJet ka bërë të ditur se aeroplani ka kryer një aterrim të rregullt dhe se gjatë lëvizjes në rrugën e taksimit ka dalë në terren të butë, si pasojë e reshjeve të dendura të shiut”, thuhet në njoftimin e Ambasadës.

Në rast nevoje, Ambasada e Republikës së Kosovës në Turqi fton qytetarët e Republikës së Kosovës të kontaktojnë:

Ambasada e Republikës së Kosovës – Ankara
+90 542 711 80 99
[email protected]

Konsullata e Përgjithshme e Republikës së Kosovës – Stamboll
+90 531 105 63 91
[email protected]./Arbresh.info